中国石斛属一新种

Dendrobium fanjingshanense Z. H. Tsi ex X. H. Jin et Y. W. Zhang, sp. nov. Fig. 1 Habitu D. wilsonii Rolfe simile, a quo tepalis revolutis fulvis, lobo labelli intermedii infra medium macula una flabellata purpurea ornato. Epiphyticum; caulis teres, 20～40 cm altus, 2～3 mm crassus, caespitosus, superne 5～6-foliatus, internodiis 1～1.5 cm longis. Folia oblongo-lanceolata, subcoriacea, 2～5 cm longa, 5～15 mm lata, apice obtusa et plus minusve hamata, basi vaginis tubulatis membranaceis obtecta. Inflorescentiae e lateribus partium superarum caulium annotinorum defoliatorum nascentes, versus apicem caulis laterales, 1～2-florae; pedunculi 2～3 mm longi, ca. 1 mm crassi, basi vaginis 3～4 membranaceis 3～4 mm longis instructi; bracteae ovato-triangulatae, 3～5 mm longae, apice acutae, macula atro-fusca ornatae. Flores patentes; pedicelli cum ovario ca. 2～3 cm longi; tepala revoluta, fulva, apice obtusa; sepalum intermedium oblongum 2 cm longum, medio 6～7 mm latum, apice fere obtusum; sepala lateralia paulo oblique ovato-lanceolata, sepalo intermedio aequilonga sed medio paulo angustiora, apice obtusa, basi cum pede columnae mentum obconoideum ca. 8 mm longum 6 mm latum apice obtusum formantia; petala subelliptica, ca. 2 cm longa, medio 6 mm lata, apice subobtusa; labellum fulvum, basi purpureum et dense velutinum, obscure trilobatum, lobis lateralibus semiorbiculatis erectis, basi (inter lobos laterales) callo uno purpureo praeditis, lobo intermedio ovato, ca. 1 cm longo, 7 mm lato, apice subacuto et recurvo, supra medio carinato, glabro; columna alba, ca. 3 mm longa, basi in pedem ca. 9 mm longum producta, pede medio purpurato, glabro; operculum antherae album, ambitu rhombicum, glabrum; pollinia 4.

A new species of Dendrobium (Orchidaceae) from China